زجلبة = أنا وصحابي فروض زاهي / الجزء الأول

زجلبة = أنا وصحابي فروض زاهي / الجزء الأول

 

صــــلاح اهضير


هذه زجلية رباعية تحمل عنوان " أنا وصحابي ف روض زاهي"..جادت بها القريحة لتلامس أغوار الأفئدة لزمرة من أصدقائي وأحبائي الاوفياء في جمعية " لازورد للثقافة والفنون والتنمية ببني ملال"..

وهاهي ذي إهداء على باقة من زهر فــواح :


بديت باسم الله ياشباب         لله سمعوني ألصحاب

ف روض زاهي حلات العشرة       والنزاهة مع لحباب

*****

الركراكي

الركراكي يا راحة الروح     زين العشرة  ديما ممدوح

الصوت الصادح بقوافي    فرياض  الحب بانغام يفوح

هم الصحبة حمل ثقيل   لكن صدرك ديما مفتوح

قلوب جمعتي  بمروة      وانت سهمك ديما مربوح

*****

حسناء

حسناء يا ناطقة بالحكمة      بميزان عقل عند الكلمة

تحلى ديما معاك الجلسة     حديثك فيها للو قيمة

طموح كبير والاماني            هذا واقع ماشي حلمة

هدن روحك شوف حوالك     باش تزول هاذ الغمة

*****

بسمة

قالوا بسمة زينة البسمات       ونزاهة إلى ضحكات

فيها ظرافة ولطافة                وذواقة الى غنات

عندها لصحاب هما لخوان       شان وهمة ومفاجآت

كريمة وفية وسخية        وقلب يفيض بالمكرمات

****

زهرة

يازهرة فجنان الخير        نية وصفا وحسن التدبير

حنان وحب وزيد وزيد     جود وعفة وقلب كبير

تمنيت زيارة لقصيبة         نسمع النغمة والبندير

عملت مزية بقلب حنين     وفعماقك حب الغير

أزهرة نضالب يربي        شا يعدلن دشا نتيسير

****

هنــــــــــد

هند مسرارة ولطيفة            وحديثها عندو بنة

مسك الليل فايح بعطور     صوت جميل عندو رنة

رسوم ونقش مالو مثيل      شكال ولوان فيها معنى

مراكش وبني ملال         يطرب بكلام كلو غنة

****

يونس العبدلاوي

لعبدلاوي يونس فنان          على الارغن غرد ألحان

ما بين الصبا والهزام          حرك قلوب فاضت بحزان

فيه سماحة  وظرافة             وبيلصحاب ناشط فرحان

بويا رحال يهديك الله           طلق سراح هاذ الإنسان

****

مريم هيام

مريم هيام أش نقول           حكمة ورزانة والمعقول

انغام جميلة عل البيان        تفاجي هوال اللي معلول

حديث تباتة  وثمارة           فيه معاني ديما مقبول

يا اللي قلبك فيه محنّة      وبحب الخير ديما مشغول 

****

شبــــوبــة

عبد الكريم شبوبة           خفة وظرافة وعذوبة

للموسيقى عندو طقوس     لكمان عشيقة محبوبة

غير نكثة تابعة نكثة         عند صحابو مطلوبة

فيه الخير ولد الناس       والخير خطواتو محسوبة

****

هشام

نادانا صوت فعماق الليل    صوت الكمان بلحن جميل

فيقوا ياناس  هذا هشام       صادح بانغام تشفي لغليل

بين البيضا وبني ملال        معاه حلات الماواويل

الهمة والشان وحب الناس   فلسانو بكلام جليل

****

فاطمة الزهراء

فاطم الزهراء ألخوان          قلب كبير عطف وحنان

مابين تادلة وبني ملال        هبات نسامها بالريحان

لسان الحال ناطق بكلام    مادح لصحاب فكل مكان

وكل غياب منك تزيد         شواق الروح كيف الولهان
****

يتـــــبع

التعليقات

التعليقات تحتاج لموافقة صاحب المدونة لنشرها.


استضافة مجانية من موقع مدونات عبر! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة | سياسة الخصوصية |نسخة الموبايل